Mae angen set o reolau a rheoliadau hawdd i'w deall ar unrhyw sefydliad mawr ar gyfer rheoli ei weithdrefnau ariannol.
Gesyd Adran 112 Deddf Cyllid Llywodraeth Leol 1988 ddyletswydd ar bob Awdurdod yr Heddlu i wneud trefniadau ar gyfer gweinyddiaeth briodol ei faterion ariannol ac i sicrhau bod gan Drysorydd Awdurdod yr Heddlu gyfrifoldeb dros weinyddu'r materion hyn.
Yn ychwanegol mae'n rhaid i Awdurdod yr Heddlu roi ystyriaeth ddyladwy i'r Cod Ymarfer ar Reolaeth Ariannol a gyflwynwyd gan yr Ysgrifennydd Cartref o dan Adran 39 Deddf yr Heddlu 1996. Mae paragraff 3 y Cod yn argymell “y dylai awdurdodau heddlu, os nad oes rhesymau da i'r gwrthwyneb, ddirprwyo rheolaeth ariannol i'r Prif Gwnstabl fel bod rheolaeth ariannol y Llu, mor bell ag sydd yn bosibl, yn digwydd o fewn y Llu hwnnw”.
Dilynwyd yr egwyddorion penodol hyn wrth ddatblygu Rheoliadau Ariannol yr Awdurdod.