Mae Awdurdod Heddlu De Cymru (yr Awdurdod ) yn cydnabod bod Hyfforddi a Datblygu Rheolwyr a Staff yn flaenoriaethau pwysig.
Nodau hyfforddiant yw sicrhau bod yr holl weithwyr yn derbyn y cymorth angenrheidiol i ddatblygu’r wybodaeth, y sgiliau a’r agwedd sydd eu hangen arnynt i wneud eu swyddi yn effeithiol ac i ddarparu pob cyfle ar gyfer datblygu gyrfa. Mae'r Awdurdod yn hyfforddi er mwyn diwallu anghenion sefydliadol a nodwyd ac i gyflawni anghenion yr unigolyn.
Mae ymrwymiadau penodol polisi hyfforddi'r Awdurdod fel a ganlyn:-
1. Caiff hyfforddiant ymsefydlu ei roi i bob gweithiwr newydd er mwyn eu cynefino hwy â'r Awdurdod ac i ddangos eu lle o fewn y sefydliad.
2. Yn ystod wythnosau cyntaf cyflogaeth bydd pob gweithiwr yn derbyn hyfforddiant trylwyr yn sgiliau sylfaenol eu swydd, yn cynnwys hyfforddiant oddi ar y swydd lle bo'n berthnasol.
3. Caiff hyfforddiant ei ddarparu yn gyson i atgyfnerthu a diweddaru dealltwriaeth o amcanion, polisïau a gweithdrefnau'r Awdurdod.
4. Lle bo'n ymarferol er mwyn annog bodlonrwydd swydd a chynnal effeithlonrwydd, caiff yr holl weithwyr eu hyfforddi mewn amrywiaeth o sgiliau i ddatblygu hyblygrwydd.
5. Caiff pob gweithiwr ei hyfforddi mewn Iechyd a Diogelwch ar gyfer amddiffyn yr unigolyn ac i fodloni anghenion yr Awdurdod a'r gofynion cyfreithiol.
6. Caiff addysg bellach cysylltiedig â swydd briodol ei ystyried yn elfen bwysig o ddatblygiad gyrfa a chaiff gweithwyr eu hannog i wneud defnydd llawn o gyfleusterau allanol.
7. Caiff Adolygiadau Datblygu Perfformiad rheolaidd eu cynnal, o leiaf un waith y flwyddyn, er mwyn asesu perfformiad a photensial ac i ganfod anghenion hyfforddiant. Bydd pob adolygiad o'r fath yn golygu cyfweliad wyneb yn wyneb a thrafodaeth.
8. Caiff cynllunio olyniaeth swydd ei gynnal a rhoddir hyfforddiant priodol i ddatblygu potensial.
9. Caiff cofnodion hyfforddiant a phortffolios unigol eu cadw, er mwyn dynodi cyflawniad amcanion ac i gynorthwyo i adnabod anghenion hyfforddiant pellach.
10. Cyflawni a chynnal statws Buddsoddwyr mewn Pobl.
Yn olaf, cydnabyddir bod y cyfrifoldeb ar gyfer hyfforddi a datblygu yn gorwedd gyda'r Awdurdod a'i Brif Weithredwr a rhaid darparu adnoddau a chyfleusterau digonol i sicrhau y gellir bodloni'r ymrwymiadau a ddisgrifir uchod.