Mae’r Cod Llywodraethu Corfforaethol yn fframwaith sydd wedi’i seilio ar egwyddorion a gynlluniwyd i sicrhau bod awdurdod yn gwneud y pethau iawn, yn y ffordd iawn, mewn modd prydlon, cynhwysol, agored ac atebol.
Dylai Cod ddisgrifio’r systemau a ddefnyddir gan awdurdod i gyfarwyddo a rheoli ei swyddogaethau yn unol ag arfer da, trwy gyfrwng ei Aelodau a’i weithwyr, ac egluro sut y mae’n atebol i’w gymunedau, ei randdeiliaid a’i ddefnyddwyr i sicrhau ei fod yn sefydlu a chadw hyder y cyhoedd.
Mae Awdurdod Heddlu De Cymru wedi mabwysiadu Cod Llywodraethu Corfforaethol CIPFA (Sefydliad Siartredig Cyllid Cyhoeddus a Chyfrifyddiaeth) yn unol â’i ganllawiau a chanllawiau Cymdeithas Awdurdodau’r Heddlu ar gyfer Awdurdodau Heddlu ynglyn â llywodraethu’n dda mewn llywodraeth leol.
Cliciwch ar y ddogfen isod i weld y Cod Llywodraethu Corfforaethol yn llawn.