Polisi Adrodd Cyfrinachol
Yn aml gweithwyr ac Aelodau yw'r cyntaf i sylweddoli y gall fod rhywbeth mawr o le yn yr Awdurdod.
Fodd bynnag, efallai na wnânt fynegi eu pryderon oherwydd eu bod yn teimlo y byddai datgan eu barn yn annheyrngar i'w cydweithwyr neu i'r Awdurdod. Efallai eu bod hefyd yn ofni aflonyddu neu erledigaeth. Yn yr amgylchiadau hyn efallai ei bod yn haws anwybyddu'r pryder yn hytrach na riportio rhywbeth a allai fod yn ddim ond yn amheuaeth o gamweithredu.
Mae'r Awdurdod wedi ymrwymo i'r safonau uchaf o agoredrwydd, uniondeb ac atebolrwydd. Yn unol â'r ymrwymiad hwnnw rydym yn disgwyl i Aelodau, gweithwyr ac eraill a ddeliwn â hwy sydd â phryderon difrifol am unrhyw agwedd ar waith yr Awdurdod i ddod ymlaen a lleisio'r pryderon hynny. Cydnabyddir y bydd rhaid i'r rhan fwyaf o achosion fynd rhagddynt yn gyfrinachol.
Mae'r ddogfen bolisi hon yn ei gwneud hi'n glir y gallwch chi wneud hynny heb ofn erledigaeth, gwahaniaethu diweddarach neu anfantais.
Bwriad y Polisi Riportio Cyfrinachol hwn yw annog a galluogi gweithwyr ac Aelodau i godi pryderon difrifol o fewn yr Awdurdod yn hytrach nag anwybyddu'r broblem neu ‘chwythu'r chwiban’ y tu allan.