Bydd Heddlu De Cymru yn cefnogi dinasyddion sy’n parchu’r gyfraith ac yn erlid troseddwyr yn ddiflino i’ch cadw chi a’ch cymdogaethau yn ddiogel rhag niwed. Byddwn yn:
1. Eich trin yn deg a chydag urddas a pharch bob amser, gan sicrhau bod gennych fynediad teg at ein holl wasanaeth ar amser sy’n rhesymol ac yn addas i chi.
2. Darparu gwybodaeth i chi fel eich bod yn gwybod pwy yw eich Tîm Plismona Cymdogaeth dynodedig, lle mae wedi ei leoli, sut i gysylltu ag ef a sut i gydweithio ag ef.
3. Sicrhau bod eich Tîm Plismona Lleol a phatrolau heddlu eraill yn weladwy ac yn eich ardal chi ar adegau pan fyddant yn fwyaf effeithiol a phan fyddwch chi’n dweud wrth ymeich bod eu hangen fwyaf. Fewn awnyn siw'r nadyweich tîm yn cael ei symudo fusnes cymdogaeth yn amlach nag sy’n gwbl angenrheidiol. Byddant yn treulio o leiaf 80% o’u hamser yn gweithio’n weladwy yn eich cymdogaeth, yn mynd i’r afael â’ch blaenoriaethau. Cedwir trosiant staff i’r lefelau isaf posibl.
4. Ymateb i bob neges sydd wedi ei chyfeirio i’ch Tîm Plismona Cymdogaeth o fewn 24 awr a, pan fo angen hynny, darparu ymateb mwy manwl cyn gynted ag y gallwn.
5. Anelu i ateb galwadau 999 o fewn 10 eiliad, anfon adnoddau i ddigwyddiadau brys ar unwaith gan roi rhagamcaniad o’r amser cyrraedd, eich cyrraedd yn ddiogel a chyn gyflymed â phosibl. Mewn ardaloedd trefol ein nod yw eich cyrraedd o fewn 15 munud ac mewn ardaloedd gwledig o fewn 20 munud.
6. Ateb pob galwad diargyfwng yn brydlon. Os bydd angen rhywun i fynychu, byddwn ynanfon patrol a rhoi rhagamcaniad o’r amser y bydd yn cyrraedd, ac:
-
Os ydych yn agored i niwed neu’n pryderu, ceisio bod gyda chi o fewn 60 munud.
-
Os ydych yn galw ynglyˆn â mater yr ydym wedi ei gytuno gyda’ch cymuned fel blaenoriaeth cymdogaeth a bod angen rhywun i fynychu, ein nod fydd bod gyda chi o fewn 60 munud.
-
Fel arall, os yn briodol, fe drefnwn apwyntiad i’ch gweld ar amser sy’n gyfleus i chi ac o fewn 48 awr.
-
Os cytunir nad oes angen rhywun i fynychu fe roddwn gyngor i chi, ateb eich cwestiynau a/neu eich rhoi mewn cysylltiad â rhywun all helpu.
7. Trefnu cyfarfodydd cyhoeddus rheolaidd i gytuno ar eich blaenoriaethau, o leiaf unwaith y mis, gan roi’r cyfle i chi gwrdd â’ch tîm lleol gydag aelodau eraill o’ch cymuned. Bydd y rhain yn cynnwys cyfleoedd megis cymorthfeydd, briffiadau stryd ac ymweliadau gan orsafoedd heddlu symudol a gânt eu trefnu i ddiwallu anghenion a gofynion lleol. Gallwch weld manylion eich swyddog lleol a’ch blaenoriaethau plismona lleol yn
www.einbobi.com.
8. Darparu diweddariadau misol ar gynnydd, ac ar faterion troseddu a phlismona lleol. Bydd hyn yn cynnwys darparu mapiau troseddau, gwybodaeth am droseddau penodol a’r hyn a ddigwyddodd i’r rhai a ddygwyd gerbron llys, manylion y camau yr ydym ni a’n partneriaid yn eu gweithredu i wneud eich cymdogaeth yn fwy diogel a gwybodaeth am sut mae eich llu yn perfformio.
9. Os ydych wedi dioddef trosedd, cytuno gyda chi pa mor aml yr hoffech gael eich diweddaru ynglyˆn â datblygiad eich achos ac am ba hyd. Mae gennych hawl i gael eich diweddaru bob mis o leiaf os dymunwch hynny ac am gyfnod amser sy’n rhesymol.
10. Cydnabod unrhyw anfodlonrwydd gyda’r gwasanaeth yr ydych wedi ei dderbyn o fewn 24 awr o’i riportio i ni. I’n cynorthwyo i ddatrys y mater yn llawn, trafod gyda chi sut y caiff ei drin, rhoi cyfle i chi drafod yn bersonol gyda rhywun ynglyˆn â’ch pryderon a chytuno gyda chi beth a wneir yn eu cylch a pha mor gyflym.
Rydym am wneud ein gorau drosoch.
Os na lwyddwn i gyflawni ein Haddewid fe fyddwn bob amser yn esbonio pam na fu’n bosibl ar yr achlysur hwnnw i ddarparu’r safonau uchel yr ydym yn anelu atynt ac yr ydych chi’n eu haeddu.