Amdanom Ni

Awdurdod Heddlu De Cymru yw'r corff annibynnol sy'n gyfrifol am oruchwylio'r llu heddlu.

Mae gennym 19 Aelod sy'n cynrychioli cymunedau De Cymru ac yn gweithredu fel pont rhwng y cyhoedd a'r llu.

Rydym yn gweithio gydag ac ar ran pob cymuned ar draws De Cymru i wneud yn siwr eich bod yn derbyn gwasanaeth o'r safon uchaf.

Mae ei hardal yn cwmpasu saith Awdurdod Lleol:

Pen-y-bont ar Ogwr
Caerdydd
Merthyr Tudful
Castell-nedd Port Talbot
Rhondda Cynon Taf
Abertawe
Bro Morgannwg

Aelodau

Mae ein 19 aelod yn cynnwys:

Deg Cynghorydd - un o bob Awdurdod Lleol gydag aelod ychwanegol o Gaerdydd, Rhondda Cynon Taf ac Abertawe, fel yr ardaloedd mwyaf
Naw Aelod Annibynnol - a benodir yn dilyn hysbyseb cyhoeddus.

Am ragor o wybodaeth am yr Aelodau, yn cynnwys pwy yw eich cynrychiolydd lleol, cliciwch yma.

Ein Gweledigaeth

Mae’r Awdurdod Heddlu a'r Llu wedi pennu cydweledigaeth sef Cadw De Cymru'n Ddiogel.

Mae De Cymru eisoes yn lle diogel iawn i fyw, gyda ffigurau troseddu isel. Byddwn yn gweithio gyda'n gilydd i gynnal hyn a gwneud De Cymru hyd yn oed yn fwy diogel.

Cyfrifoldebau Allweddol

Mae prif ddyletswyddau’r Awdurdod yn cynnwys:

Ymgynghori â'r gymuned leol
Pennu elfen praesept yr heddlu o’r dreth gyngor leol a gosod y gyllideb gyffredinol
Penderfynu ar y blaenoriaethau plismona ar gyfer y flwyddyn mewn cytundeb gyda'r llu a'r gymuned
Penodi ac, os bydd angen, ddiswyddo Prif Swyddogion yr Heddlu, yn cynnwys y Prif Gwnstabl.